yehi haal hai meri ashiqi ka

muhabbat naam hai zindagi ka...
ibadat naam hai bandagi ka
wafa inaam hai meri dillagi ka
kuch haal dekho meri deewanagi ka
yehi sila hai meri awaragi ka
ke mazaq ban gaya hai meri sadagi ka
dil pe raaj hai us naznee ka
zamana qail hai jis ki dilkashi ka
ab aur kya kahu..yehi haal hai meri ashiqi ka..

tujhse ye ye kehne keliye beqarar tha

jab se laga tha chedne mujhe
dil ki chidya meri lagi thi chehchane

sham wo sehar har pal intizaar tha
tujh se e kehne ke liye dil beqaraar tha

"kamine kutte teri maa bhain nahi hai kya"

kab aayega sawera

tanhai bhi ehsaas dilati thi

teri muhabbat ka

mehfil me bhi ehsaas hota tha

teri chahat ka

ishq me tere mai thi

par intizaar tha izhaar ka

izraar to mai bhi karlu

par khauf tha tere inkaar ka

chahat kis pal ho gayi

ye pata hi na chala

jab pata chala

to tum chale gaye

dil ne kaha ke rok lo

muhabbat ke waaste

par tum afsos chale gaye kehke

ke sada rehna meri behna banke

muhabbat dhari ki dhari rehgayi

izhaar ki tamanna dil me hi reh gayi

charou taraf andherau ne kar liya basera

najane ab zindagi me kab ayega sawera

mila de mujh ko mere sanam se

jaise koi bachcha apne khilaune ke liye rota hai

mai apni muhabbat ke liye ro rahi hu

samne tere e khuda

mai apni chahat ke liye ro rahi hu

karu me sajda khuda e tere

dua karu mai tujhi se yaarab

mila de mujh ko mere sanam se

khuda e mere tu kar de rehmat

qabool kar tu ibadatau ko

ata kar meri duawo ko

mila de mujh ko mere sanam se

yehi dua hai khuda tujh se

mujhe ye yarab sabar ata kar

kushada mujh ko qabar ata kar

inayate to hazar ki hai

ye ek inayat tu aur karde

milade mujh ko mere sanam se

yehi dua hai khuda tujh se

jaan mushkil me phansi hai

khuda ye kaisi bebasi hai

tu janta hai sabhi ke dil ko

khuda tu mujh ko sabar ata kar 

qareeb mere humsafar ata kar

meri muhabbat , naseeb hai wo

shohar mere dil ke qarib hai wo

meri wo manzil mera wo sahil

imaan mujh ko hai tujh pe kaamil

khuda e mere qabool kar de

mila de mujh ko mere sanam se

tadap ko meri tu dur karde

inayat khuda ki

muhabbat hum karenge

khwaish wafa ki hai

dua hum karenge

khwahish ata ki hai

koshish hum karenge

inayat khuda ki hai

dil ki baat

zindagi me meri teri amad se khushi ayi hai

mai shayar to na thi par shayari mujhe ayi hai

apne dil ki halat ko lafzau me utaarti hu

shayari ke zariye apne dil baat keh dalti hu

na janu mai na jane tu

ek qatra aansu ka aakar ruk gaya hai ankhau me

beh kyou nahi jata na janu main na jane tu

tadap hai dil me milne ki aur khud ko bhul jane ki

milan ye kyou nahi hota na janu main na jane tu

kati hai raat mushkil se, mai karwat rok nahi sakti

neend kyou mujh se roothi hai na janu main na jane tu

ye ulfat chiz kya hai zamana samajh nahi sakta

tujh se kyou ye chahat hai na janu mai na jane tu

haqeeqat ashna hai par pyare khwab lagte hai

kyou sapnau me ate ho na janu mai na jane tu

adhoori zindagani hai adhoori ye kahani hai

jiuu kaise bina tere na janu mai na jane tu

qalam ye likh to sakta hai mere dil ki kahani ko

ye dil kabse hua tera na janu mai na jane tu

ek din maut ani hai ke faani zindagani hai

phir khwaish kyou hai jeene ki na janu mai na jane tu